Get the Flash Player to see this player.
|
|
|
De Marnhac vizitoi Pejën
05 maj 2011
Shefi i Misionit EULEX, Xavier de Marnhac, e vizitoi Pejën për t’u njohur më mirë me regjionin dhe punën e misionit në terren. De Marnhac i takoi pjesëtarët e tre komponentëve të EULEX-it si dhe homologët e tyre vendas.
 |
|
|
Në Pejë, de Marnhac takoi Nexhat Gutiq, Zëvendës Drejtor Regjional i Policisë së Kosovës dhe diskutuan për bashkëpunimin mes Policisë së Kosovës dhe EULEX-it, si dhe sfidat që presin në të ardhmen në këtë regjion.
Në Stacionin Policor, de Marnhac deklaroi: “Jam shumë i lumtur që kam mundësinë të jem sot në stacionin regjional për të parë më për së afërmi bashkëpunimin dhe partneritetin tonë në Polici dhe Drejtësi, të takohem me stafin e EULEX-it dhe të shohim mënyrat sesi të mbështesim institucionet e Kosovës, për të përmirësuar efikasitetin e tyre për të mirën e qytetarëve të Kosovës, sepse e rëndësishmja është që njerëzit të përfitojnë nga përkushtimi i Misionit.”
Zëvendës-Drejtori Regjional i policisë Nexhat Gutiq pohoi: “Gjatë takimit të sotëm me EULEX-in ne biseduam për çështjet e sigurisë, rezultatet e arritura dhe bashkëpunimin shumë profesional mes Policisë së Kosovës dhe EULEX-it.”
De Marnhac e vazhdoi vizitën e tij në Prokurorinë e Kosovës në Pejë dhe u takua me z. Agron Galanin, si dhe në Zyrën e Kryetarit të Gjykatës së Qarkut, ku takoi z. Mekajn.
Gjatë vizitës njëditore në regjionin e Pejës, de Marnhac gjithashtu vizitoi pikën kufitare të Kullës, ku u takua me policët kufitarë, doganierët dhe monitoruesit e EULEX-it.
| Fotografi tjera: | ||
 |
 |
 |
 |
 |
 |