Shefi i Misionit i raporton Parlamentit Evropian

15 mars 2011

Më 15 mars, Shefi i Misionit EULEX, Xavier Bout de Marnhac, u ftua që t’i raportojë Nën-komitetit të Parlamentit Evropian për Siguri dhe Mbrojtje lidhur me aktivitetet dhe prioritetet e EULEX-it.

EULEX Head of Mission, Xavier Bout de Marnhac together with Kees Klompenhouwer, Civilian Operations Commander (CPCC) a) during the briefing the European Parliament Subcommittee on Security and Defence, on EULEX activities and priorities, 15 March 2011. / IPTC Copyright © European Union 2011 PE-EP

Paraqitja i tij dhe diskutimet e deputetëve të Parlamentit Evropian u përqendruan në pohimet për krime të luftës dhe krim të organizuar të cilat u paraqitën në raportin e senatorit Dick Marty.  Z. de Marnhac theksoi se misioni është duke i marrë këto pohime shumë seriozisht dhe se, pothuaj menjëherë pasi Këshilli i Evropës e miratoi rezolutën në bazë të këtij raporti, EULEX-i i nisi hetimet fillestare lidhur me pohimet.

Shefi i Misionit sqaroi se misioni ka kompetencë dhe juridiksion që të merret me këtë dhe se misioni është duke marrë hapa për ta siguruar nivelin më të lartë të sigurisë dhe besueshmërisë. Në lidhje me mbrojtjen e dëshmitarëve, Shefi i Misionit sqaroi se EULEX-i ka program për mbrojtjen e dëshmitarëve të cilësisë së lartë dhe ai tashmë është dëshmuar.

Po ashtu, ai i nënvizoi dy prioritetet e tij kryesore prej kur e ka marrë këtë pozitë në tetor të vitit të kaluar; prania e zgjeruar dhe luftimi i strukturave kriminale të cilat veprojnë në pjesën veriore të Kosovës dhe rritja e përkushtimit të misionit për ndjekjen dhe gjykimin e rasteve kryesore, në veçanti kundër krimit të organizuar dhe korrupsionit.

• Fjalimi i Shefit të Misionit në Parlamentin Evropian, 15 mars 2011 (pdf)