English Shqip / Srpski

 
Komunikata për media

EULEX-i dhe Ministria e Arsimit bashkëpunojnë në fushatën sensibilizuese për sundimin e ligjit

11 shkurt 2013

EULEX-i dhe Ministria e Arsimit, Shkencës dhe Teknologjisë e Kosovës janë pajtuar që të bashkëpunojnë në lidhje me një varg të aktiviteteve të fushatës sensibilizuese për ta përkrahur rëndësinë e sundimit të ligjit.

School outreach with a EULEX judge
       

Ekspertët e BE-së të cilët punojnë për EULEX-in, si gjyqtarët dhe prokurorët, do të mbajnë ligjërata përkrah homologëve të tyre në shkollat e mesme në mbarë Kosovën. Gjatë ligjëratave do të diskutohen temat si ajo e personave të zhdukur, e sistemit të së drejtës penale, e shkencës mjeko-ligjore dhe e korrupsionit. Po ashtu, do të flitet edhe për rolin dhe përgjegjësitë e avokatëve, të gjyqtarëve dhe të hetuesve.

 
 
EULEX school outreach together with Kosovo Correctional Service

Nicholas Hawton, Shef i Zyrës së EULEX-it për Shtyp dhe Informim Publik tha që për një afat të gjatë nisma ishte shumë e rëndësishme: “Është me rëndësi që EULEX-i të punojë së bashku me institucionet vendase për ta përkrahur sundimin e ligjit. EULEX-i nuk do të jetë këtu përgjithmonë. E ardhmja e Kosovës varet nga gjeneratat e ardhshme që do të vijnë. Në dëshirojmë të përpiqemi dhe t’ua bartim praktikat dhe përvojat më të mira evropiane në fushën e sundimit të ligjit.”