“Është kënaqësi e madhe të jem në terren”

16 prill, 2008

Shefi i misionit të EULEX-it ka vazhduar vizitat e tij në terren në mënyre që të kuptoj sa me mirë gjendjen sundimit të ligjit dhe rendit në tërë Kosovën. Ketë herë ndalesa e tij ishte Lipjani.

Njesiti korrektues i EULEX-it asiston në rreth 500 përcjellje në muaj

Yves de Kermabon pati një takim me komandantin e Stacionit Policor në Lipjan, Bajram Ademi, Komandantin për rajonin e Prishtinës, Destan Thaci, policet vendor të atij stacioni si dhe Monitoruesit nga EULEX-i.

“Dëshiroj të shpreh kënaqësinë time për faktin që sot jam në terren dhe po mësoj rreth vështirësive tuaja gjatë punës”, tha de Kermabon në fjalën e tij.

Diskutimi kryesor kishte të bënte kthimin e mundshëm të Policëve Serb në Policinë e Kosovës. Yves de Kermabon e inkurajoj komandantin e stacionit të bënte çdo gjë që është e nevojshme në mënyre që policët Serb të suspenduar ti kthehen punës së tyre të përditshme.

Sipas komandantit të stacionit Ademi, Stacioni Policor i Lipjanit është një stacionet me unike. Është një rajon shumë-etnik dhe deri në kohen kur disa nga koleget tanë Serb nuk ishin larguar ky stacion numëronte 84% pjesëtar Shqiptar, 13% Serb dhe 3% komunitete të tjera të cilët punonin këtu. Po ashtu pjesë e këtij stacioni janë edhe 3 nënstacione, 2 nga të cilat janë funksionale, një në Janjeve dhe tjetri në Magure.     

Klasa e gatimit, ku Shefi i Misioni pati mundësinë të shijoj një nga tortat të gatuara aty

“Kemi një bashkëpunim shumë të mirë me koleget nga EULEX-i që janë këtu. Por gjithashtu kemi një bashkëpunim të mirë edhe me popullatën,” tha Ademi. “Ata raportojnë krimet tek policët tanë, pavarësisht nga nacionaliteti i policeve që i kemi në terren,” shtoj ai.

Pas këtij takimi, Shefi i Misionit i bëri një vizitë qendrës së paraburgimit në Lipjan. Aty takoi Resmi Hoxhën, komisionari i burgut si dhe Muhamet Bebiqin, drejtor i burgut i cili e shoqëroj atë gjatë shëtisë së tij brenda qendrës së paraburgimit.

“Jam shumë i kënaqur me kushtet e kësaj qendre,” tha de Kermabon.
Qendra e Paraburgimit në Lipjan u është dedikuar të burgosurve të mitur dhe femra. Momentalisht aty gjinden 48 të mitur dhe 21 femra të cilët mbahen në paraburgim.

Qendra e paraburgimit ka shkollën e vet ku të miturit dhe femrat mund të vazhdojnë shkollimin e tyre. Ata po ashtu mund të punojnë në punëtori të ndryshme, duke përfshirë kurse për gatim, rrobaqepësi, elektricist dhe në fund të këtyre kurseve ata marrin certifikatë.

Komisionari Hoxha, shprehu kënaqësinë e tij rreth bashkëpunimit me njësinë korrektuese të EULEX-it, jo vetëm në Lipjan por gjithashtu edhe në Dubravë dhe Mitrovicë. Ai po ashtu shprehu idenë e tij rreth nevojës për punëtori të tjera, në mënyre që ta shtyjë qendrën e paraburgimit drejt arritjes së standardeve me të larta.