|
|
De Marnhac vizitoi Shtërpcën
17 nëntor 2011
Shefit i EULEX-it, Xavier de Marnhac ka vizituar komunën dhe stacionin e policisë në Shtërpcë si pjesë e vizitave të tij të vazhdueshme nëpër Kosovë.
Ai u takua me Dragan Ivanoviç, komandantin e stacionit të policisë, i cili e informoi atë lidhur me gjendjen aktuale dhe me punën e përditshme të policisë në këtë rajon me përbërje etnike të përzier. Ivanoviç tha se nuk kishte probleme të mëdha të krimit aktualisht, ishte siguruar liria e lëvizjes dhe nuk kishte ndonjë problem të madh ndëretnik tani.
Dragan Ivanoviç, komandant i stacionit policor në Shtërpcë
Dragan Ivanoviç, komandant i stacionit policor në Shtërpcë
Xavier de Marnhac, The Head of EULEX, and Dragan Ivanovic the Commander of the police station in Shtërpcë/Štrpce 
Xavier de Marnhac, The Head of EULEX, and Dragan Ivanovic the Commander of the police station in Shtërpcë/Štrpce
Xavier de Marnhac me zyrtarët policorë dhe komunalë në kafeteri në Shtërpcë
Xavier de Marnhac dhe Beqir Fejzullahu, shef i zyrës për komunitete të komunës së Shtërpcës
Xavier de Marnhac me zyrtarët policorë dhe komunalë në kafeteri në Shtërpcë
(nga e majta) Beqir Fejzullahu, shef i zyrës për komunitete, Dalibor Jevtiç, shef i kabinetit të kryetarit, Xavier de Marnhac, shef i EULEX-it dhe Lela Petkoviç zëvendëskryetare e Shtërpcës
(nga e majta) Xavier de Marnhac, Dalibor Jevtiç, Lela Petkoviç dhe Beqir Fejzullahu
(nga e majta) Xavier de Marnhac, Dalibor Jevtiç, Lela Petkoviç dhe Beqir Fejzullahu
Shefi i EULEX-it, Xavier de Marnhac në konferencë për shtyp pas takimit me zyrtarët komunalë në Shtërpcë
“Stacioni policor i Shtërpcës ishte stacioni i parë shumetnik i policisë në Kosovë dhe ne jemi shembull se si gjërat mund të funksionojnë pa ndonjë problem të madh”, tha Ivanoviç.
Xavier de Marnhac shprehu mbështetjen e tij të plotë për punën dhe përpjekjet e tyre. “Aktualisht e gjithë vëmendja është përqendruar në veri por duhet ta kemi parasysh se pjesët e tjera të Kosovës janë po ashtu shumë të rëndësishme dhe kanë nevojë për mbështetjen dhe ndihmën tonë të plotë “, tha shefi i misionit EULEX.
Vizita vazhdoi me një takim në komunë me Lela Petkoviç (zëvendëskryetare), Dalibor Jevtiç, (shef i kabinetit të kryetarit) dhe me Beqir Fejzullahun (shef i zyrës për komunitete). Zyrtarët komunalë e informuan de Marnhac lidhur me punën dhe prioritetet e tyre aktuale. “Njëri prej planeve tona të rëndësishme për të ardhmen është ndërtimi i qendrës së dytë të skijimit në Brezovicë”, tha Lela Petkoviç. Ajo sqaroi si ky projekt do ta ndihmojë rajonin, do ta rrisë turizmin dhe do ta përmirësojë ekonominë lokale.