Fillimi  BreadCrumbTrailerZyra për Informim  BreadCrumbTrailerKomunikata për Media  BreadCrumbTrailerShefja e Misionit: “Thashethemet dhe fjalët nuk...

Shefja e Misionit: “Thashethemet dhe fjalët nuk janë mënyra për ta promovuar sundimin e ligjit në Kosovë”

22 nëntor 2017

Shefja e EULEX-it, Alexandra Papadopoulou, në përgjigje ndaj një programi të transmetuar në RTK, ka theksuar: “Ky Mision e respekton plotësisht integritetin e sistemit gjyqësor të Kosovës, si dhe të gjitha vendimet dhe aktgjykimet e gjykatave kosovare në të cilat janë të përfshirë dhe të integruar plotësisht edhe gjyqtarët e EULEX-it. Gjykata Supreme e Kosovës është ajo që e ka nxjerrë vendimin i cili u vu në pikëpyetje në programin e RTK-së.” 

Ajo më tej shpjegoi se e drejta për gjykim të shpejtë për të gjithë: viktimat, paditësit dhe të pandehurit duhet të respektohet dhe kjo është shumë e rëndësishme në menaxhimin e lëndëve jo vetëm në Kosovë, por në tërë Evropën. Praktikat fundamentale më të mira evropiane, të cilat synon t’i arrijë sistemi gjyqësor i Kosovës me ndihmën e EULEX-it, e mbrojnë integritetin dhe profesionalizmin e gjyqtarëve. Bazuar në këto standarde të larta të profesionalizmit, integritetit dhe pavarësisë, gjyqtarët e menaxhojnë vëllimin e punës së tyre në përputhje me parimet themelore të ligjit, për shembull disponueshmëria e gjyqtarëve, prokurorëve, avokatëve mbrojtës dhe personelit tjetër mbështetës.

Zj Papadopoulou theksoi: “thashethemet dhe fjalët nuk janë mënyra për ta promovuar sundimin e ligjit në Kosovë.” Ajo shtoi se përmendja e emrave të gjyqtarëve dhe shpërndarja e mendimeve lidhur me jetën personale të tyre është “në kundërshtim me parimet e të drejtave themelore të njeriut dhe e rrezikon pavarësinë e tyre.” 

“Rrëfimet e njëanshme të pakonfirmuara e kompromentojnë integritetin dhe profesionalizmin e gjyqtarëve, qofshin ata vendas apo ndërkombëtarë. Përveç kësaj, ato e minojnë autoritetin e gjykatave të Kosovës,” sqaroi ajo.

Ky Mision më tej theksoi se beson fuqishëm që këto çështje duhet të trajtohen nga autoritetet përkatëse, “dhe jo nga mendimet personale të shprehura në një program televiziv” ka shtuar zj. Papadopoulou.

EULEX-i është i përqendruar që t’i ndihmojë autoritetet për të krijuar një sistem efektiv dhe të pavarur të sundimit të ligjit të lirë nga ndërhyrjet politike. Ky Mision e përsërit përkushtimin e tij të plotë ndaj këtij qëllimi.
 

Prapa

Zyra për Informim

Gratë në sundimin e ligjit

Buzëqesh, puno dhe eksploro – Takoni Yulia Netesova

Buzëqesh, puno dhe eksploro – Takoni Yulia Netesova

Kur ishte lindur në një qytet akademik të largët të Siberisë, atëherë pjesë e Bashkimit Sovjetik, familja e Yulias ishte e bindur se ajo do të vazhdonte hapat e ...

SPROVAT E JETËS SJELLIN REZULTATET MË TË MIRA – NJIHUNI ME NATALIE DAWSON

SPROVAT E JETËS SJELLIN REZULTATET MË TË MIRA – NJIHUNI ME NATALIE DAWSON

Puna e palodhshme dhe sfiduese ka qenë një prej karakteristikave kryesore në jetën personale dhe profesionale të Natalie Dawson.

Profili Video

Një ditë nga jeta e Hakan Wall-it

Një ditë nga jeta e Hakan Wall-it

Udhëheqës i Njësisë Këshilluese për Çështje të Policisë dhe Kufirit, shpjegon punën e tij dhe sfidat me të cilat përballet në Kosovë.

Një ditë nga jeta e Matti Raatikainen-it

Një ditë nga jeta e Matti Raatikainen-it

Shefi i njësisë së Hetimeve të Krimeve të Luftës, Matti Raatikainen spjegon hetimet e krimeve të luftës në EULEX